Як  паведамляе агенцтва Польскага друку:

Літоўцаў палякі любяць больш, чым суседзяў з усходу — расіян, беларусаў і ўкраінцаў, аднак менш, чым жыхароў краін Цэнтральнай і Заходняй Еўропы.

Паводле апытання, праведзенага Цэнтрам грамадскай думкі Польшчы, 37–44% рэспандэнтаў сказалі, што добра ставяцца да літоўцаў, харватаў, немцаў, балгар, грузінаў і грэкаў.

Дадзеныя апытання, якія публікуе агенцыя ПАД, паказваюць, што да расіян, беларусаў, украінцаў, яўрэяў, армян, сербаў, егіпцян, кітайцаў і в’етнамцаў добра ставяцца 29–34% жыхароў Польшчы.

Лепш за ўсё палякі ставяцца да чэхаў і славакаў — 58% і 57% удзельнікаў апытання.

55% рэспандэнтаў прызналіся ў добрым стаўленні да італьянцаў, 54% — да брытанцаў, 53% — да іспанцаў і французаў, 52% — да нарвежцаў, швейцарцаў і венграў, 51% — да шведаў і амерыканцаў.

Добра ставяцца да галандцаў, аўстрыйцаў, датчан, бельгійцаў, ірландцаў, японцаў і фінаў 45–49% рэспандэнтаў. Даследаванне паказвае, што палякам больш за ўсё не падабаюцца туркі, румыны, цыганы ды арабы.