Пайшоў з жыцця знакаміты бела-рускі грамадска-культурны дзеяч, вучоны-краязнавец, калекцыянер нацыянальнага мастацтва Анатоль Яўхімавіч Белы. Беларускай грамадскасці Анатоль Белы вядомы як актыўны дзеяч і кіраўнік культурна-асветніцкага клуба «Спадчына». Белы – вядомы калекцыянер беларускага мастацтва: ім сабрана нацыянальная калекцыя твораў жывапісу, графікі, медальернага і дэкаратыўнага мастацтва – каля 3000 адзінак. На падставе сваёй калекцыі Анатоль Белы ў 1990 годзе заснаваў, а ў снежні 1999 года адкрыў на ўласнай сядзібе ў горадзе Старыя Дарогі першы прыватны музей выяўленчага мастацтва.

Анатоль Яўхімавіч прымаў непасрэдны і актыўны ўдзел у выданні плакатаў-календароў «Радавод полацкіх і вялікіх беларускіх (лі-тоўскіх) князёў», «Старажытная Беларусь часоў Вітаўта Вялікага», «Яго чакала Беларусь чатыры стагоддзі» – зборніка дакументаў і матэрыялаў да 85-годдзя з дня нараджэння М.І. Ермаловіча. Анатоль Яўхімавіч Белы шчыра і самаахвярна рабіў вялікія справы па захаванню спадчыны роднай Беларусі, на гэтым шляху яго падтрымлівала нямала аднадумцаў і сяброў.

Рэдакцыя газеты «Туризм и отдых», калектыў выдавецтва «Рыфтур» смуткуюць з прычыны смерці Анатоля Белага і выказваюць шчырыя спачуванні родным і блізкім.